SECUNDE EPISTOLA DE SANCTE JOHANNES APOSTOLO
1 Le anciano al seniora electe e a su filios que io ama in veritate (e non io solmente ma etiam tote illes qui ha cognoscite le veritate), 2 per causa del veritate que demora in nos e essera con nos in eternal: 3 gratia, misericordia e pace essera con nos ab Deo Patre e ab Jesus Christo, le Filio del Patre, in veritate e in caritate. 4 Io me ha grandemente allegrate de haber trovate tu filios camminante in le veritate, como nos ha recipite como commandamento ab le Patre. 5 E nunc io te roga, seniora, non como si io te scribeva un commandamento nove, ma illo que nos habeva desde le principio: Vamos amar nos le unes le alteres! 6 E iste es le amor: que nos cammina secundo su commandamentos. Iste es le commandamento que vos audiva desde le principio a fin que vos cammina in illo. 7 Perque multe seductores exiva per le mundo le quales non confessa que Jesus Christo veniva in carne. Celle es le seductor e le antichristo. 8 Attention a vos mesme, a fin que vos non perde le fructo del operas complite, ma que vos recipe plen recompensa. 9 Qui passa ultra e non demora in le doctrina de Christo, non ha Deo. Qui demora in le doctrina, ha le Patre e le Filio. 10 Si alicuno veni a vos e non porta iste doctrina, non le reciper in casa, e non le salutar; 11 perque qui le saluta participa a su operas inique. 12 Anque si io ha multe cosas pro declarar vos, io non lo vole facer per medio de papiro e tinta; ma io spera de poter venir a vos e de parlar vos a voce, a fin que vostre gaudio sia complete. 13 Le filios de tu soror electe te saluta.