Martijn Dekker (Netherlands)
Ecce alcun argumentos in favor de interlingua que tu poterea trovar utile.

Le qualitate de esser "troppo similar al italiano" es exactemente lo que rende interlingua si utile. Interlingua es tamben "troppo similar" al espaniol, francese, e altere linguas romanic. Iste perception de similaritate es le prova que illo functiona. Qui parla italiano a un espaniol o portugese o francese o romaniano, non essera comprendite. Ma parla interlingua, que consiste del vocabulos commun a istes, e le comprension es instantanee.

Mesmo plus remarcabilemente, interlingua es le representation directe del superstrato latinesc latente in linguas de familias *non* latin -- de anglese a russo, de germano a indonesiano. Quasi omne parola de interlingua ha su correspondente in iste linguas, sia directemente, sia per derivationes. Pro qui es familiar con le "vocabulario intellectual" del proprie lingua materne, comprender interlingua es un question de apprender circa 100 parolas e suffixos grammatical frequente; le resto es ja ben recognoscibile. Interlingua non es limitate al sphera del linguas romanic, ma representa le reunification del vocabulario international scientific, technologic e cultural del mundo integre.

Personalmente io ha profito enorme del uso active de interlingua. Le exemplo le plus recente es mi invitation a Portugal pro facer un serie de discursos conferential (a proposito de autismo, un altere area de mi expertise), e io ha pronunciate totes in interlingua. Le audientia me comprendeva totalmente con minimal effortio, como illes confirmava posteriormente in le formularios de evalutation anonyme. Proque non anglese? Troppo de personas simplemente non lo comprendeva. Ma interlingua presentava nulle problema.

Interlingua es le sol lingua international in existentia que ha essite professionalmente derivate del vocabulario international de facto existente, e meticulosemente reducite a formas prototypic pro comprensibilitate maximal in tote le mundo e pro maximal facilitate de uso active.

Existe solmente un lingua in le mundo que es totalmente comprensibile sin studio anterior a centos de milliones de personas in tote le mundo, *e* que es dece vices plus facile de parlar activemente que alcun lingua national -- e isto es nostre interlingua de IALA.