Appello del Committee pro Occidente, un initiativa de Marcello Pera (ex presidente del Senato italian) e de plure altere intellectuales


Iste texto es scribite in Interlingua, le commun denominator linguistic del civilisation occidental. Interlingua es un instrumento moderne, practic e facile de communication international. Illo pote esser considerate le herede del latino classic que un vice esseva utilisate como medio commun de communication del cultura e del scientia. Milliones comprende immediatemente interlingua. Interlingua es registrate per le Organisation International de Standardisation (ISO) como ia que contine alsi toto lo que necesse pro apprender Interlingua.

PRO OCCIDENTE, PORTATOR DE CIVILITATE


Le rationes detra nostre mission

Le Occidente es in crise. Attaccate externemente per le fundamentalismo e le terrorismo islamic, illo non pare haber plus le fortia de affrontar iste defia. Minate internemente per un crise moral e spiritual, illo pare non haber plus le corage de reager. Nostre affluentia face nos sentir culpabile e nos senti vergonia de nostre mesme traditiones. Le terrorismo es considerate un reaction a nostre errores, ma illo es nihil de minus de un acto de aggression contra nostre civilisation e contro tote le humanitate. Europa es paralysate. Su politica exterior manca de unitate, su taxo de nascentias declina e assi su impulso competitive in le mercato mundial. Europa cela e denega su proprie identitate, e manca assi de conquirer le supporto popular quando illo appella al adoption de un Constitution. Illo salta super le carro del anti-americanismo e fortia un cuneo inter se e le SUA. Nostre traditiones es ponite in question. Nostre hereditage, que remonta a milles de annos retro, es denegate in le nomine del secularisation e del progressivismo. Illo impovri assi le valores del vita, del persona, del maritage e del familia. On assere que omne culturas es equalmente valide. Le integration del immigrantes ha essite sin direction e sin regulas. Como diceva Benedicto 16, hodie "Le Occidente non ama plus se ipse". Pro vincer iste crise, nos necessita de augmentar nostre ingagiamento e demonstrar major corage quando nos tracta de themas concernente nostre civilisation.

Le Occidente

Nos es ingagiate, in le nomine de un commun tradition historic e cultural, a reaffirmar le valor del Civilisation occidental como fonte de principios universal e inalienabile, e a opponer nos a omne tentativa de poner Europa como alternativa o antagonista del SUA.

Europa

Nos es ingagiate a fundar de novo un spirito europee que trahe su inspiration del patres del unitate europee, proque in isto jace le ver identitate e fortia de Europa que lo pemittera de parlar al cordes de su citatanos.

Securitate

Nos es ingagiate a luctar contra le terrorismo ubique, considerante lo un crimine contra le humanitate. Nos interprendera actiones appropriate pro privar lo de omne justification e supporto, isolar omne organisationes que menacia le vita de civiles, e a contraponer nos a tote illes que predica le odio. Nos es ingagiate a dar plen appoio a nostre soldatos e a nostre fortias de securitate pro salveguardar nos sia a casa que al exterior.

Integration

Nos es ingagiate in promover le integration de immigrantes in le nomine de valores commun e del principios de nostre Constitution sin acceptar, in alcun maniera, que le derectos de alicun gruppo prevale super illos de lor individuos.

Vita

Nos es ingagiate in supportar le derecto al vita, ab le conception al morte natural, e a considerar le infante non nate como un "qualcuno" cuje derectos debe esser balanciate in respecto al alteres, e nunquam como un "qualcosa" facilemente sacrificabile a altere fines.

Subsidiaritate

Nos es ingagiate in supportar le principio de "quanto plus de libertate possibile, quanto minus Stato possibile". Isto sublinea le primato christian e liberal del persona e del corpores intermediate del societate civil, e da emphase al rolo del poter politic como instrumento pro assister le libere initiativa de individuos, familias, associationes, business e voluntarismo.

Le familia

Nos es ingagiate a affirmar le valor del familia como communion natural basate sur le maritage, le qual debe esser protegite e distinguite de omne altere sorta de union o ligamine.

Libertate

Nos es ingagiate in diffunder le libertate e le democratia como valores universal que remane valide ubicunque, in le West, in le Oriente, in le Nord o in le Sud. Pauc privilegiatos non pote viver al expensa del sclavitude de multes.

Religion

Nos es ingagiate in reaffirmar le distinction inter Ecclesias e Statos, sin ceder al temptation secularistic de relegar le religion al sol dimension del sphera individual.

Education

Nos es ingagiate in defender e promover le libertate de education sin denegar le function public del instruction. Nos ergo intende establir plen equalitate e recognoscimento sia al scholas statal, sia al scholas private, applicante le principio general mesmo in iste sector del principio de subsidiaritate.

Italia

Nos es ingagiate in reinfortiar nostre patria e a dar emphase al valores del liberalismo conservative, tanto que le crescentia del libertate public e individual pote developpar se al mesme taxo del preservation de nostre hereditage commun. Illes qui oblida lor radices non pote ni esser libere ni respectate.

Le Occidente es vita. Le Occidente es civilisation. Le Occidente es libertate.